ချစ်သူရဲ့ အနမ်းကြောင့် သေဆုံးသွားရသူ

သူမထံမှာ အစားအသောက်အချိ့နဲ့ ဓာတ်မတည့်တဲ့ ရောဂါရှိနေခဲ့တာပါ။

ကံမကောင်းရှာတဲ့ ကနေဒါ အမျိုးသမီးတစ်ဦးဟာ ချစ်သူဆီက အနမ်းခြွေခြင်း ခံခဲ့ရပြီးတဲ့နောက် သေဆုံးသွားခဲ့ရပါတယ်။ အသက် ၂၀ အရွယ်သာ ရှိသေးတဲ့ သူမဟာ မြေပဲ နဲ့ ဓာတ်မတည့်တဲ့ ရောဂါရှိခဲ့သူဖြစ်ပါတယ်။


သူမရဲ့ ချစ်သူက ထောပတ်မြေပဲ ပါဝင်တဲ့ ဆင်းဒွစ်ခ်ျမုန့်တွေ တဝကြီးစားထားခဲ့တာကို သတိမမိခဲ့ပဲ အနမ်းခြွေခဲ့ကြတာဖြစ်ပါတယ်။ မြေပဲနဲ့ ဓာတ်မတည့်တဲ့ ရောဂါကြောင့် သူမထံမှာ ရောဂါလက္ခဏာတွေ ပေါ်လာခဲ့ပြီး အသက်ရှုမရတဲ့ အထိ ဖြစ်သွားခဲ့ပါတယ်။ သူမ အရေးပေါ် အခြေအနေဖြစ်ခဲ့ပြီးနောက် သူမရဲ့ ချစ်သူအမျိုးသားကက အရေးပေါ်ဌာနကကို အလျှင်အမြန် ဖုန်းဆက်ပြီး လူနာတင်ကား ခေါ်ခဲ့ရပါတယ်။


ဒါပေမယ့်လည်း သူမဟာ အသက်ကို ခက်ခက်ခဲ ရှုခဲ့ရပြီးနောက် ဆေးရုံသွားတဲ့ လမ်းမှာတင်ပဲ သေဆုံးသွားခဲ့ရပါတယ်။ မိုင်ရီယန်လို့ ခေါ်တဲ့ သူမ မသေဆုံးခင် ရက်ပိုင်းအလိုမှာပဲ သူမရဲ့ အစားအသောက်ဓာတ်မတည့်မှု ရောဂါခံစားရမှုဟာ သက်သာလာခဲ့ကြောင်း အနီးအနားက မိသားစုဝင်တွေ ပြောခဲ့သေးတယ်လို့ သိရပါတယ်။

ဒီရောဂါတွေနဲ့ ပတ်သတ်ပြီး ကျွမ်းကျင်တဲ့ ဆရာဝန်မက္ကကပ်စကာကတော့ ဒီလိုရောဂါမျိုးရှိရင် ကိုယ့်အနားက ဘယ်သူ့ကိုမဆို အမြဲသတိပေးထားသင့်တယ်လို့ ဆိုပါတယ်။

အဝတ်ဗီရိုထဲ သော့ပိတ် အဓမ္မပြုခံရတဲ့ ကလေး

ကလေးတစ်ယောက်ကို မိဘအရင်းချာများမှ သူတို့ အာသီသဖြေစရာ လိင်ကျွန်အဖြစ် အသုံးချနိုင်ဖို့အတွက် အဝတ်ဘီရိုထဲမှာ ၅ နှစ်လုံးလုံး သော့ပိတ်ချုပ်ထားခဲ့ပါတယ်။ Lauren Kavanaugh ဟာ ထမင်းစားခွင့်မရှိ၊ နှိပ်စက်ညှဉ်းဆဲခံရပြီး သူမ မိခင်နဲ့ ပထွေးတို့ရဲ့ မုဒိမ်းပြုကျင့်မှု ညစဉ်ညတိုင်း ခံစားခဲ့ရပါတယ်။


Austria နိုင်ငံရဲ့ လိင်မိစ္ဆာကောင် Josef Fritzel ဆိုသူ ကျင့်သုံးတဲ့ နှိပ်စက်မှုနဲ့ တစ်ပုံစံတည်း Lauren ရဲ့ ငယ်ဘဝဟာ ၃ နှစ်အရွယ်စက ၄ပေ ၉ပေ ရှိ အဝတ်ဗီရိုတစ်ခုထဲ အကျဉ်းချခံခဲ့ပြီး ညီကိုယ်မောင်နှမတွေ၊ ပြင်ပကမ္ဘာနဲ့ အဆက်ဖြတ်ခံခဲ့ရပါတယ်။ သူမ အသက် ၈ နှစ်အရွယ်မှာ ဗီရိုလေးထဲကနေ အပြင်ခေါ်ထုတ်ခံရချိန်မှာတော့ သူမကိုယ်အလေးချိန်ဟာ ၂ နှစ်အရွယ်ကလေးပမာ ၂၅.၆ ပေါင်သာ ရှိနေခဲ့ပါတယ်။


ကလေးတွေပေါ် ကာမစိတ်တိမ်းညွတ်မှုရှိတဲ့ ယင်းမိစ္ဆာတွေက Lauren ကို "little secret" လို့ ခေါ်ဆိုခဲ့ပါတယ်။ သူမကို မုဒိမ်းကျင့်၊ ညှဉ်းပန်းနှိပ်စက်ဖုိ့အတွက်သာ အပြင်ထုတ်ကြတာပါ။ ဒါပေမယ့် သူတို့ကို ရိတ်မိတဲ့ အိမ်နီးနားချင်းတွေကနေ ရဲတပ်ဖွဲ့ကို အသိပေးတဲ့အခါ ဖမ်းမိခဲ့ပါတယ်။ နောက် သူမကို အမြန်ဆုံး ခွဲစိတ်ကုသမှု ခံယူစေခဲ့ပါတယ်။


အခုအချိန်မှာ အသက် ၂၁ အရွယ် ကျောင်းသူလေးဘဝရောက်နေပြီဖြစ်တဲ့ Lauren ဟာ တခြား လိင်အလွဲသုံးစားမှုကနေ လွတ်မြောက်နိုင်အောင် သူမရဲ့ တုန်လှုပ်ခြောက်ခြားဖွယ် အတွေ့အကြုံကို ရဲရဲတင်းတင်းပြောဆိုလျက်ရှိပါတယ်။နောက်ပိုင်းမှာ ဗီရိုထဲကနေ ဆွဲထုတ်မုဒိမ်းကျင့်ခံတဲ့အကြောင်း Lauren ပြန်လည်ပြောပြခဲ့ပါတယ်။ အဲဒီတုန်းက သူမ ၃ နှစ်အရွယ်သာရှိခဲ့တယ်။ ရေမရှိ၊ စားစရာလည်းမရှိ အမှောင်ထုသာ ရှိတယ်။


သူတို့ ကျွန်မငိုသံ ဖုံးကွယ်ဖို့ ကန်းထရီးသီချင်းတွေ ကျယ်လောင်စွာ ဖွင့်ထားတယ်။ အချိန်ကြာကြီး နှိပ်စက်ပြီးနောက် ဗီရိုထဲ ပြန်သွင်းခံရပြီး နာကျင်မှုဒဏ်လူးလိမ့်အောင် ခံစားရပါတယ်။ အမှောင်ထဲမှာ ဘာမှလုပ်လို့မရဘူး။ အဲဒီမှာပဲအိပ်၊ အဲဒီမှာပဲ အိမ်သာတက်ရပါတယ်။ ကော်ဇောဆို စိုရွဲပြီး စိုနေတဲ့စောင်ခင်းပါးပါးလေးတစ်ခုပဲ ခြုံအိပ်ရတယ်လို့ သူမပြန်ပြောပါတယ်။


Lauren ဟာ ဆေးလိပ်နဲ့ မီးတို့ ညှဉ်းဆဲ ခံခဲ့ရပါသေးတယ်။ တစ်ရက်မခြား အတောမသတ်နိုင်အောင် နာကျင်မှုဝေဒနာခံစားနေချိန်မှာ နှိပ်စက်မှုမခံရတဲ့ အကိုအမတွေ အပြင်ဘက်မှာ ရယ်မောပြီး ကစားနေကြတာ သူမကြားရပါတယ်။ဆာလောင်မှုကြောင့် အားအင်ချိနဲ့ပြီး အတုတ်အနှောင်ခံရလို့လည်း ပြန်မခုခံနိုင်ခဲ့ပါဘူး။ ဗီရိုထဲ ရှိတဲ့ဟာကိုပဲ စားခွင့် သူမရရှိခဲ့ပါတယ်။ နှိပ်စက်ခံရဖို့အတွက်သာ သူမ အပြင်ထွက်ခွင့်ရခဲ့ပါတယ်။


၂၀၀၁ မှာ ကယ်ထုတ်ခံရပြီးနောက် သူမကို Lauren Sabrina နဲ့ Bill Kavanaugh မွေးစားခဲ့ကြပါတယ်။ အဲ့ဒီအချိန်မှာ သူမဟာ အရုပ်တွေနဲ့ ဘယ်လိုကစားရမယ်ဆိုတာတောင် မသိခဲ့ပါဘူး။ မြက်ပင်ကို ပထမဆုံး တွေ့တဲ့အချိန်မှာ ကျွန်မ ၈ နှစ်အရွယ်ရှိပြီး မြက်ပင်တွေက ခြေထောက်ကို စူးနေသလို ခံစားရတယ်လို့ သူမက ဆိုပါတယ်။ ရေချိုးပေးတဲ့အချိန်မှာ "ရေနစ်မသတ်ကြနဲ့" လို့ အော်ဟစ်ခဲ့တယ်လို့လည်း သိရပါတယ်။


Lauren ဟာ ကျောင်းပြန်တက်ပြီး စာမေးပွဲတွေ အောင်မြင်စွာ ဖြတ်သန်းနိုင်ခဲ့ပါတယ်။ အခုချိန်မှာ သူမ လိင်ကိစ္စရဲ့သားကောင်ဖြစ်သွားကြသူတွေကို အကူအညီပေးလျက်ရှိပြီး ကောလိပ်ကျောင်းမှာ စိတ်ပညာ သင်ကြားလေ့လာနေပါတယ်။ နောက်နှစ် တက္ကသိုလ်ဆက်တက်ရန် စီစဉ်ထားပါတယ်။ ကျွန်မ စိတ်ကူးအိပ်မက်က အရည်အချင်းရှိတဲ့ အတိုင်ပင်ခံပုဂ္ဂိုလ်တစ်ဦး ဖြစ်ဖို့ပါပဲလို့ သူမက ပြောဆိုခဲ့ပါတယ်။


သူမ မိခင် Barbara Atkinson နဲ့ ပထွေး Kenny Atkinson တို့မှာ Lauren ကို မတရားပြုကျင့်မှုကြောင့် ၂၀၀၂ ခုနှစ်မှာ အပြစ်ဒဏ်ချမှတ်ပြီး တစ်သက်တစ်ကျွန်းထောင်ဒဏ် ကျခံခဲ့ရပါတယ်။ ၂၀၃၁ ခုနှစ်ထိ လွတ်လမ်းမရှိကြောင်း သိရပါတယ်။