သမီးနဲ့တူချင်လို့ ပေါင်လေးသောင်းဖိုး ခွဲစိတ်တဲ့အမေ
အမေ့ကိုကြည့်ပြီး သမီးကတော့ စိတ်တွေညစ်နေရှာတယ်။အင်္ဂလန်နိုင်ငံ၊ ဘန်လေမြို့သူ ဂျဲနက်ဟော်ရော့ခ်က အသက် ၅၇ နှစ် ရှိပါပြီ။ အသက် ၃၅ နှစ်အရွယ် သမီးဖြစ်သူ ဂျိန်းကန်လစ်ဖ်နဲ့ တူချင်လွန်းလို့ စတာလင်ပေါင် လေးသောင်းလောက် အကုန်အကျခံ ခွဲစိတ်ခဲ့ပါတယ်။
မျက်ရစ်ဖော်တာ၊ နှာခေါင်းပြုပြင်တာ အပါအဝင် botx လို့ခေါ်တဲ့ အသားအရည်နုပျိုတင်းရင်းစေတဲ့ ဆေးတွေကိုလည်း အဆက်မပြတ် ထိုးသွင်းနေတာပါ။ ဂျိန်းနဲ့ တူချင်တာကြောင့် ဝိတ်တွေလည်းချလိုက်ပါတယ်။ ဒါတင်မကဘဲ မျက်ခုံးတက်တူးထိုးတယ်၊ ဆံပင်ဆက်တယ်၊ ဆံပင်ဆေးဆိုးတာတွေပါ လုပ်ပစ်လိုက်တာပါ။ မွေးတဲ့ခွေးကိုတောင် သမီးမွေးတဲ့ခွေးနဲ့ ဆင်တူလေးပဲ မွေးထားပြန်ရော။
ဂျဲနက်ရဲ့ ခွဲစိတ်ပြုပြင် တုပမှုတွေကြောင့် သမီးဖြစ်သူ ဂျိန်းကတော့ စိတ်တွေညစ်နေပါတယ်။ " အဲ့တာ ကြောက်ဖို့ကောင်းတယ်။ ပြီးတော့ အမေဖြစ်သူက အတင်းကာရော ခွဲစိတ်ပြုပြင်တော့ ကျွန်မထက်ပိုပြီး နုပျိုနေတယ်လေ။ သမီးက အမေထက်အိုမင်းရင့်ရော်နေပုံပေါက်နေပြီ။ ဒါက ကျွန်မအတွက် မတရားဘူးလို့ ခံစားရတယ်" လို့ ဂျိန်းက ဝန်ခံပြောကြားပါတယ်။
No comments:
Post a Comment