တပ်မတော် ကာကွယ်ရေးဦးစီးချုပ်ကို လှောင်ပြောင်သည်ဟု စွပ်စွဲ ခံထားရသူချစ်သမီး (ခ) ချောစန္ဒီထွန်း အမှုအား စွဲချက်တင်သင့်၊ မတင်သင့် ယနေ့အမိန့်ချမည်

တပ်မတော်ကာကွယ်ရေး ဦးစီးချုပ်ကို လှောင်ပြောင်သည်ဟု စွပ်စွဲခံရကာအီလက်ထရောနစ် ဆက်သွယ်ဆောင်ရွက်ရေး ဥပဒေ ပုဒ်မ ၆၆(ဃ)ဖြင့်တရားစွဲဆိုခံထားရသည့် မချောစန္ဒီထွန်းကို မအူပင်တရားရုံးတွင် အောက်တိုဘာ ၂၇ ရက်က စတင်ရုံးထုတ် စစ်ဆေးခဲ့ပြီး ဒုတိယမြောက် ရုံးချိန်းတွင် အသရေဖျက်မှု ပုဒ်မ ၅၀၀ကိုပါ ထပ်တိုးစွဲဆိုထားသည့် အမှုအား ဒီဇင်ဘာ ၁၄ ရက် (ယနေ့) ခုနစ်ကြိမ်မြောက်ရုံးချိန်းတွင် စွဲချက်တင်သင့်၊ မတင်သင့် ရုံးထုတ် စစ်ဆေး အမိန့်ချမည်ဖြစ်ကြောင်း သတင်းရရှိရှိသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ၀တ်ဆင်ထားသော ယူနီဖောင်းသည် ဒေါ်အောင်ဆန်းစုကြည် ၀တ်ဆင်ထားသည့် ထဘီအရောင်နှင့်ဆင်တူသည်ဟု လူမှုကွန်ရက်စာမျက်နှာ ပေါ်တွင် ရေးသားဖော်ပြခဲ့ခြင်းကြောင့် မချောစန္ဒီထွန်းကို တပ်မတော်ကိုယ်စား ပုသိမ်အခြေစိုက်အနောက်တောင်တိုင်း စစ်ဌာနချုပ်မှ ပထမတန်း စစ်ရေးဦးစီးအရာရှိ
ဒုတိယဗိုလ်မှူးကြီး ကျော်ထင်က တရားလိုပြုလုပ် တရားစွဲဆိုထားခြင်းလည်းဖြစ်သည်။

မအူပင်နည်းပညာ တက္ကသိုလ်မှ B.Tech(EC) ဖြင့် ဘွဲ့ရထားသူ မချောစန္ဒီထွန်းသည် မအူပင်ခရိုင် ကျောင်းသား သမဂ္ဂအဖွဲ့ဝင်ဟောင်း တစ်ဦးဖြစ်ပြီး ဖေဖော်ဝါရီလအတွင်းက ပေါ်ပေါက်ခဲ့သည့် ကျောင်းသားသပိတ် စစ်ကြောင်းတွင်လိုက်ပါ၍ အမျိုးသားပညာရေး ဥပဒေကို ဆန့်ကျင်ကန့်ကွက်ခဲ့သူ တစ်ဦးလည်းဖြစ်ကြောင်း သိရသည်။ ယင်းနောက် ကျောင်းသားသမဂ္ဂမှ နုတ်ထွက်၍ မအူပင်မြို့နယ် NLD ပါတီသို့ဝင်ရောက်ကာ ပါတီအောင်နိုင်ရေး လုပ်ငန်းများ ၀ိုင်းဝန်းကူညီ ဆောင်ရွက်နေသူ လည်း ဖြစ်သည်။

Posted via Blogaway